O mes de maio comezou ben para o Club de remo Ría de Marín. Esta fin de semana celebrouse en Coimbra a Regata Internacional Queima das Fitas.
O dobre skull en categoría sénior absoluto masculino obtivo a medalla de ouro na Regata Internacional Queima das Fitas de Coimbra, Portugal.
A embarcación formada por Adrián Pazos e Pedro Fernández enfrontouse á representación de máis de trinta clubs de Portugal e España.
Nesa mesma regata a xoven promesa Simón Salgado en categoría cadete quedou en 5º lugar de corenta e tres embarcacións en skif.
Gustavo Santiago Fernández, remeiro en categoría absoluto, tamén en skif, conseguiu rematar a súa regata na 4ª posición enfrontándose a máis de corenta embarcacións.
Continúan así os bos resultados despois da actuación que este grupo de remeiros tivo o mes pasado na regata de Banyoles, preparatoria para a Selección española, onde Simón Salgado acadou un meritorio sexto posto.
No hay comentarios:
Publicar un comentario